سرکاری اسپتال میں خواتین کی نامناسب ویڈیو بنانے والے ملازمین گرفتار

کہوٹہ (کھوج نیوز) کہوٹہ کے سرکاری اسپتال میں خواتین کی نامناسب ویڈیوز بنانے والے ملازمین کو گرفتار کرلیا گیا ہے یہ واقعہ اسپتال کے ایکسرے ڈیپارٹمنٹ میں پیش آیا تھا۔

تفصیلات کے مطابق نیشنل سائبر کرائم ایجنسی (این سی سی اے) نے کہوٹہ کے سرکاری اسپتال میں خواتین کی نامناسب ویڈیوز بنائے جانے پر مقدمہ درج کرلیا۔ حکام نیشنل سائبر کرائم ایجنسی کے مطابق نامناسب ویڈیوز بنانے کا واقعہ ایکسرے ڈپارٹمنٹ میں پیش آیا۔ دو ملازمین کو گرفتارکرکے مقدمہ درج کرلیا گیا ہے اور ملزمان سے موبائل فون اور قابل اعتراض مواد بھی برآمد کرلیا گیا۔ اسپتال انتظامیہ نے بتایاکہ گرفتار ملازمین کو معطل کر کے انکوائری کمیٹی تشکیل دے دی گئی ہے اور انکوائری کمیٹی ڈسٹرکٹ ہیلتھ افسر کی سربراہی میں کام کرے گی۔ اسپتال انتظامیہ نے بتایاکہ انکوائری کمیٹی 7 روز میں اپنی رپورٹ پیش کرنے کی پابند ہوگی۔