سکھ شہری کا قتل، امریکا نے بھارت کو الٹی میٹم دے دیا، اقتصادی پابندیوں کی بھی دھمکی

واشنگٹن(مانیٹرنگ ڈیسک) امریکہ نے اپنی سرزمین پرسکھ شہری کو قتل کرنے کی کوشش پر بھارت سے جواب طلب کرتے ہوئے الٹی میٹم دیتے ہوئے اقتصادی پابندیوں کی بھی دھمکی لگا دی ہے۔

انٹرنیشنل میڈیا کے مطابق امریکی نائب وزیر خارجہ کرٹ کیمبل نے کہا کہ سکھ شہری کو قتل کرنے کی سازش پر بھارت سے بات کی ہے۔ بھارت نے امریکی تحفظات کا جواب دیا ہے۔ بھارت پر واضح کیا ہے کہ امریکہ اس معاملے پر جواب چاہتا ہے۔ بھارت سے کہا ہے کہ ہماری سرزمین پر سکھ شہری کے قتل کی کوشش کے معاملے پر ہونے والی پیشرفت سے بھی آگاہ کیا جائے۔کرٹ کیمبل نے کہا کہ بھارتی حکام قتل کی سازش کے الزامات کے بعد ادارہ جاتی اصلاحات کرنے پر بھی غور کررہے ہیں۔انہوں نے کہا کہ امریکی سرزمین پر ایک امریکی شہری کے قتل کی کوشش کی گئی۔ اس سازش میں بھارت کے ملوث ہونے کی تحقیقات جاری ہیں۔