پارلیمنٹ میں کشیدہ ماحول، وزیر دفاع خواجہ آصف نے خطرے کا الارم بجا دیا

کراچی(کھوج نیوز) پارلیمنٹ میں کشیدہ ماحول پر مسلم لیگ ن کے سینئر رہنماء اور وفاقی وزیر دفاع خواجہ آصف نے خطرے کا الارم بجاتے ہوئے سب کو خبردار کر دیا ہے۔

تفصیلات کے مطابق وزیردفاع خواجہ آصف نے کہا ہے کہ پی ٹی آئی خود امریکہ کی چیپٹر ہے، غزہ میں ہونے والی سازش کا پی ٹی آئی بھی حصہ ہے، کون لوگ ہیں جو چین کو پاکستان میں نہیں آنے دینا چاہتے ، جب ہماری حکومت آئی تو پی ٹی آئی نے آئی ایم ایف کو خط لکھا تھا تاکہ پاکستان میں معاشی استحکام نہیں آئے،پی ٹی آئی آج امریکہ سے محبت کا اظہار کررہی ہے انہیں تھوڑی سی بھی شرم نہیں آتی، تحریک انصاف بار بار کہہ رہی ہے ہم نے فوج سے بات کرنی ہے،بانی پی ٹی آئی کے کیسز عدالتوں میں ہیں انہیں رہا عدالتوں نے کرنا ہے پارلیمنٹ میں شدید تناو کا ماحول چل رہا ہے جو جمہوریت کیلئے اچھا نہیں ہے، خطرے کی گھنٹیاں بج سکتی ہیں کہ کہیں سب کچھ نہ لپٹ جائے ۔

انہوں نے مزید کہا کہ امریکہ کو ہمارے اندرونی معاملات میں مداخلت کا کوئی حق نہیں پہنچتا۔75سال میں امریکہ نے یہاں دخل اندازی کی اس کے نتائج ہم دہشتگردی کی صورت میں بھگت رہے ہیں ، امریکہ میں یہ سال الیکشن کا ہے ایوان نمائندگان کو اس سال مال سمیٹنا ہے، یہ فنڈنگ لینے کیلئے مختلف لابیوں کو خوش کرنے کیلئے ایسے ایشوز اٹھاتے ہیں۔تناو کا ماحول چل رہا ہے جو جمہوریت کیلئے اچھا نہیں ، خطرے کی گھنٹیاں بج سکتی ہیں۔