خبردار ہوشیار،اب ٹریفک پولیس کو بھی ہتھکڑیاں لگانے کا اختیار مل گیا

لاہور(کھوج نیوز) چیف ٹریفک آفیسر لاہور نے ٹریفک پولیس کو قانون کی خلاف ورزی کرنیوالوں کو ہتھکڑیاں لگانے کا اختیار دیدیا، ہر سیکٹر انچارج اور سرکل آفیسر کو ہتھکڑیاں ساتھ رکھنے کی ہدایت کردی گئی۔تفصیلات کے مطاق تجاوزات اور غیرقانونی پارکنگ میں ملوث ملزمان کو ہتھکڑیاں لگانے کا حکم دیا گیا گیا ہے، قانون کی خلاف ورزی کرنیوالوں کو ہتھکڑی لگا کر پولیس کے حوالے کیا جائے گا۔

تفصیلات کے مطابق سٹی ٹریفک پولیس کے اہلکار اندراج مقدمہ سے قبل ملزمان کو ہتھکڑیاں لگانے لگے، ٹریفک پولیس کی جانب سے ہتھکڑیاں لگانے کی وڈیو بھی سامنے آگئی۔