رمضان بازاروں کے حوالے سے اعلی سطحی اجلاس ،کیا ہدایات دیں گئیں ؟

لاہور(کھوج نیوز ) کمشنر لاہور زید بن مقصود کی زیر صدارت ڈویژنل اعلی سطحی کا اجلاس ہوا۔اجلاس میں ایڈیشنل کمشنر عبداسلام عارف،ڈی سی لاہور سید موسی رضا،ڈی سی ننکانہ محمد تسلیم راو،اے ڈی سی قصور رانا موسی اور ڈی سی شیخوپورہ شاہد عمران مارتھ نے بذریعہ ویڈیولنک شرکت کی۔اجلاس میں رمضان بازار انتظامات اورشوگر سیل پوائنٹس کا جائزہ لیا گیا۔

اجلاس میں کمشنر لاہور کوبریفنگ دیتے ہوئے بتایا گیا کہ لاہور میں 10ماڈل رمضان بازار قائم ہونگے جس کی انتظامی تیاریاں مکمل کی جارہی ہیں۔لاہور میں 18 شوگر سیل پوائنٹس قائم کیے جائیں گے جس کے انتظامات مکمل ہیں۔کمشنر لاہور نے ڈی سی کو ہدایت دینت ہوئے کہا کہ رمضان بازاروں میں صفائی پر کوئی کمپرومائز نہیں کیا جائے گا۔پوری ڈویژن میں ضلعی سطح پر رمضان بازاروں کیلئے میونسپل انتظامات شیڈول کرلیے گئے ہیں۔