نوازشریف کا جلسہ،ن لیگی کارکنان کراچی سے چل پڑے

کراچی ( ویب ڈیسک ) سابق وزیرِ اعظم نواز شریف کی 4 سال بعد وطن واپسی پر بھرپور استقبال کیلیے ملک بھر سے لیگی کارکنان لاہور پہنچ رہے ہیں ، کارکنان استقبال کے لیے کراچی سے لاہور تک ٹرین مارچ کریں گے۔رہنما مسلم لیگ( ن) محمد زبیر اور کھیل داس  نےلاہور روانگی سے قبل کراچی سٹی اسٹیشن پر میڈیا سے گفتگو کی۔

"ج رہنما مسلم لیگ (ن) محمد زبیر نے کہا” ہمیں معلوم تھا کہ ہر گزرتے دن کے ساتھ عوام کا جوش و خروش بڑھتا جائے گا۔سندھ سے کسی بھی سیاسی لیڈر کے لیے اتنے عوام کہیں نہیں گئے، 4 سال بعد  نواز شریف آ رہے ہیں، عوام نے سخت ترین وقت دیکھا ہے۔ وطن واپسی کے بعد نواز شریف عوام سے خطاب کریں گے، خطاب میں بہت سی چیزیں عوام کی فلاح کے لیے ہوں گی، عوام کی سہولتوں کے لیے ہم معاشی ایجنڈا بنا رہے ہیں۔ نواز شریف اس ایجنڈے کے اہم خدوخال بتائیں گے،( ن) لیگ کی حکومت کے پہلے 3 ماہ میں بہتری آئے گی، عوام نواز شریف پر بھروسہ کرتے ہیں ان کے پاس تجربہ ہے۔   تمام سیاسی جماعتوں کو چاہیے کہ الیکشن کو سنجیدگی سے لیں، ہم ہر سیاسی جماعت کو سنجیدگی سے لیں گے اور اچھی تیاری کریں گے”۔