جوبائیڈن نے غرقانونی تارکین وطن کو بڑی خوشخبری سنا دی

امریکا (مانیٹرنگ ڈیسک) امریکی صدر جو بائیڈن نے امریکی شہریوں سے شادی کرنے والے غیر قانونی تارکین وطن کو ایسی خوشخبری سنا دی کہ وہاں پر موجود سب کے سب خوشی سے جھوم اٹھے۔

انٹرنیشنل میڈیا کے مطابق رپورٹ میں بتایا گیا ہے کہ منگل کو اعلان کی گئی امیگریشن کی یہ نئی پالیسی امریکی شہریوں کے غیرقانونی طور پر امریکا میں مقیم شریک حیات کے لیے مستقل رہائش یا گرین کارڈ کے لیے درخواست کو آسان بنائے گی۔ نئی پالیسی سے قریبا 5 لاکھ جوڑوں اور ایسے 50 ہزار بچوں کو فائدہ ہوگا جن کے والدین نے کسی امریکی شہری سے شادی کی ہو۔ پالیسی سے استفادہ کرنے کے لیے ضروری ہے کہ تارکِ وطن 10 یا اس سے زیادہ سال سے امریکا میں مقیم ہو اور 17 جون 2024 تک اس کی شادی قانونی طور پر کسی امریکی شہری سے ہوچکی ہو۔ ڈیپارٹمنٹ آف ہوم لینڈ سکیورٹی کی طرف سے تارکین وطن کی درخواست کے جائزے کے بعد منظور شدہ افراد کے پاس مستقل رہائش کے لیے درخواست دینے کے لیے 3 سال کا وقت ہوگا۔ اپوزیشن جماعتوں نے امریکی صدر کے اقدام کی مذمت کرتے ہوئے اسے امریکیوں کے حق تلفی قرار دیا ہے۔