سابق وفاقی وزیر عباس آفریدی نے ن لیگ کو خیر باد کہہ دیا

لاہور(کھوج نیوز) مسلم لیگ ن کے سینئر رہنما اور سابق وفاقی وزیر عباس آفریدی نے پارٹی چھوڑ دی، عباس آفریدی نے باقاعدہ استعفیٰ پارٹی صوبائی صدر اور مرکزی جنرل سیکرٹری احسن اقبال کے نام بھیجوا دیا۔

تفصیلات کے مطابق عباس آفریدی نے کہا کہ ذاتی مصروفیات کے بنا پر سیاست چھوڑ رہا ہوں اور کسی پارٹی میں شمولیت اختیار نہیں کروں گا۔ ان کا مزید کہنا تھا کہ آپریشن عزم استحکام کے معاملے پر مجھے اعتماد میں نہیں لیا گیا، معیشت کی بحالی کا پلان دیا تھا لیکن کوئی سننے والا نہیں۔انہوں نے مزید کہا کہ نواز شریف نے قوم سے جو گلہ کیا تھا وہ درست تھا، سینئر قیادت نے نواز شریف سے وفا نہیں کی، مسلم لیگ کے قائد اب سیاست سے غیر متعلقہ ہوگئے ہیں ان کے پاس کوئی ایگزیکٹو پوسٹ نہیں کہ وہ کچھ کر سکیں۔