عدت نکاح کیس ، بانی پی ٹی آئی عمران خان اور بشریٰ بی بی کی سزا برقرار

اسلام آبا د(کھوج نیوز) پاکستان تحریک انصاف کے بانی عمران خان اور ان کی اہلیہ بشریٰ بی بی کی عدت نکاح کیس میں ایڈیشنل سیشن جج افضل مجوکا نے فیصلہ سناتے ہوئے ان کی سزا کو برقرار رکھ دیا ہے۔

تفصیلات کے مطابق ایڈیشنل سیشن جج افضل مجوکا نے سزا کے خلاف اپیلوں پر فیصلہ سنایا جو کہ دس صفحات پر مشتمل ہے۔ انہوں نے 25 جون کو اپیلوں پر فیصلہ محفوظ کیا تھا۔ تفصیلی فیصلے میں کہا گیا ہے کہ سزا معطلی کی دونوں اپیلیں مسترد کی جاتی ہیں، سیکشن 426 قابلِ ضمانت ہے لیکن مجرم ضمانت کا حقدار نہیں۔ تفصیلی فیصلے میں کہا گیا ہے کہ قانون کے تحت خاتون مجرم بھی ضمانت کی دعویدار نہیں ہوسکتی۔ جج افضل مجوکا نے تفصیلی فیصلے میں متعدد فراڈ شادی سے متعلق عدالتی فیصلوں کا حوالہ بھی دیا ہے۔