عمران خان کی گرفتاری، اقوام متحدہ کا ورکنگ گروپ میدان میں آگیا، رہائی کیلئے مطالبہ کر دیا

جینوا (مانیٹرنگ ڈیسک) پاکستان تحریک انصاف کے بانی عمران خان کی گرفتاری کا معاملہ، اقوام متحدہ کا ورکنگ گروپ میدان میں آگیا اور پاکستانی حکومت سے رہائی کا مطالبہ کر دیا ہے۔

تفصیلات کے مطابق جنیوا میں قائم اقوام متحدہ کے انسانی حقوق کے لیے کام کرنے والے گروپ "یو این ورکنگ گروپ آن آربٹریری ڈیٹینشن” کا کہنا تھا کہ پاکستان کے سابق وزیر اعظم عمران خان کو بین الاقوامی قوانین کی خلاف ورزی کرتے ہوئے قید میں رکھا گیا ہے۔ اس لئے انہیں فوری طور پر رہا کیا جائے اور غیر قانونی قید میں رکھنے پر ہرجانہ ادا کیا جائے۔ عالمی ادارے کے گروپ نے نوٹ کیا کہ 2024 کے انتخابات سے قبل، عمران خان کی پارٹی کے ارکان کو گرفتار کر کے تشدد کا نشانہ بنایا گیا اور ان کے جلسے جلوسوں میں خلل ڈالا گیا۔ گروپ نے یہ الزام بھی لگایا ہیکہ انتخابات کے دن "وسیع پیمانے پر فراڈ ہوا ، اور درجنوں پارلیمانی نشستوں کو ہتھیا لیا گیا۔” اقوام متحدہ کے ورکنگ گروپ نے کہا کہ اس کا مناسب حل یہ ہوگا کہ عمران خان کو فوری طور پر رہا کیا جائے اور بین الاقوامی قانون کے مطابق انہیں اس حراست کے باعث معاوضے اور دیگر ازالے کا قابلِ عمل حق دیا جائے۔ جنیوا میں قائم اقوام متحدہ کے ورکنگ گروپ کا کہنا ہے کہ عمران خان کی قانونی پریشانیاں ان کے اور ان کی پارٹی پاکستان تحریک انصاف (پی ٹی آئی) کے خلاف "جبر کی کہیں زیادہ بڑی مہم” کا حصہ تھیں۔ یواین ورکنگ گروپ آن آربٹریری ڈیٹینشن کا کہنا ہے کہسابق وزیر اعظم عمران خان پہلے توشہ خانہ کیس میں اور سائفر کیسز میں بظاہر قانونی بنیادوں کے بغیرحراست میں ہیں اور ایسا لگتا ہے کہ یہ کیس سیاسی بنیادوں پر بنائے گئے ہیں تاکہ انہیں سیاسی میدان میں مقابلہ کرنے سے روکاجا سکے۔