آٹےکی مارکیٹ قیمتوں میں من مانا اضافہ،وزیراعلیٰ مریم نوازکا "کھوج نیوز”کی خبرپرایکشن

لاہور(کھوج نیوز)آٹےکی مارکیٹ قیمتوں میں من مانا اضافہ،وزیراعلیٰ مریم نوازکا "کھوج نیوز”کی خبرپرایکشن۔رپورٹ کے مطابق وزیراعلیٰ مریم نواز نےآٹا کےمارکیٹ نرخ کی ڈیلی رپورٹ طلب کرلی۔ آٹے کےنرخوں میں اتار چڑھاؤ سے متعلق پاکستان کوالٹی کنٹرول سٹینڈرڈ کی کیٹیگری کےمطابق آٹا نرخ کےتعین کرنےکا فیصلہ بھی کیا گیا،علاوہ ازیں پرمٹ کےساتھ آٹا کی نقل وحمل کی اجازت کا اصولی فیصلہ بھی کیا گیا۔اس موقع پر وزیر اعلیٰ مریم نوازنے محکمہ فوڈ کی ری سٹرکچر نگ کی ہدایت جاری کردی اور کرپٹ عناصر کے خلاف قانونی کارروائی کو یقینی بنانےکا حکم بھی دیا۔ وزیراعلیٰ مریم نواز نے اس اہم اجلاس کے دوران محکمہ فوڈ کے افسران اور ملازمین کی ڈیجیٹل مانیٹرنگ کا میکنزم بنانے کا حکم بھی دیدیا۔

مریم نواز نے اجلاس کے شرکا سے گفتگو آٹا کے نرخ ناجائز طور پر بڑھانے کی اجازت نہیں دوں گی۔
مریم نواز نے مزید کہا کہ مافیاز اپنا کام کررہے ہیں اور محکمے سو رہے ہیں۔ انھوں نے کہا کہ محکمے اپنا کام نہیں کریں گے تو گورننس کیسے بہتر ہوگی۔ مریم نواز نے کہا کہ کسان اپنی گندم بیچ چکا ہے، اب مافیاز کو عوام کا استحصال نہیں کرنے دیں گے۔

اجلاس کے دوران دی گئی بریفنگ میں وزیراعلیٰ کو بتاہیا گیا کہ پنجاب میں 2.2 ملین میٹرک ٹن گندم کے سرکاری ذخائر موجود ہیں۔ پنجاب میں مجموعی طور پر 6- ملین میٹرک ٹن. سے زائد گندم موجود ہے۔ ذخیرہ اندوزی کے سدباب کیلئے گندم ذخائر کی جیو ٹیگنگ کی جارہی ہیں۔ اس اجلاس میں سابق سینٹر پرویز رشید،سینئرمنسٹرمریم اورنگزیب، وزیراطلاعات عظمی زاہد بخاری، وزراء بلال یاسین، سید عاشق حسین، چیف سیکرٹری، سیکرٹریز اور دیگر متعلقہ حکام کی شرکت بھی شرکت کی۔