9 مئی جلائو گھیرائو کیس، شاہ محمود قریشی پر فرد جرم عائد، اڈیالہ سے کوٹ لکھپت منتقل

لاہور(کھوج نیوز) 9مئی جلائو گھیرائو کیس میں پاکستان تحریک انصاف کے رہنماء شاہ محمود قریشی پر فرد جرم عائد کر دی گئی ہے جس کے بعد ان کو اڈیالہ سے کوٹ لکھپت جیل منتقل کر دیا گیا ہے۔

تفصیلات کے مطابق پاکستان تحریک انصاف کے رہنماء شاہ محمود قریشی پر 9مئی کو تھانہ شادمان جلا ؤگھیراؤ سمیت دیگر مقدمات درج ہیں، شاہ محمود قریشی کو آج فرد جرم کی کارروائی کیلئے طلب کیا گیا تھا۔ انسداد دہشت گردی عدالت نے 9 مئی کو جلاؤ گھیراؤ سے متعلق کیس میں پاکستان تحریک انصاف کے رہنما شاہ محمود قریشی پر فرد جرم عائد کر دی۔ عدالت نے آئندہ سماعت پر گواہان کو طلب کرتے ہوئے کیس کی مزید سماعت 22 جولائی تک ملتوی کر دی۔شاہ محمود قریشی کو آج صبح انتہائی سخت سکیورٹی میں اڈیالہ جیل سے لاہور منتقل کیا گیا تھا۔