پی ٹی آئی پرپابندی،اسد قیصی نےحقائق کھول کر رکھ دئیے

اسلام آباد(کھوج نیوز)پی ٹی آئی پرپابندی،اسد قیصی نےحقائق کھول کر رکھ دئیے۔رپورٹ کے مطابق پاکستان تحریک انصاف کے رہنما اسد قیصر نےکہا ہےکہ بنوں واقعے کو بنیاد بناکرپی ٹی آئی پرپابندی کا جوازپیدا کیا جا رہا ہے۔ ڈسٹرکٹ بارکونسل کی حلف برداری تقریب سےخطاب کرتےہوئےاسد قیصر نے کہا کہ پنجاب سے 4، 5 ایم این ایز کو اداروں کی جانب سےوفاداری تبدیل کرنےکا کہا جا رہا ہے، ان کو وزارت اور پیسوں کا لالچ دیا جا رہا ہے۔ انہوں نے کہا کہ بحیثیت سیاستدان مجھ سے بھی غلطیاں اور غلط فیصلے ہوئے ہوں گے، اگرمیں نے غلطیاں کی ہیں تو قانون کےمطابق سزا ملنی چاہیے۔

 اسد قیصرکا کہنا ہےکہ اسمبلی میں جب ہم بات کرتےہیں تو ایسا لگتا ہےکہ دوسری طرف لاشیں ہیں۔ پی ٹی آئی رہنما نےکہا کہ خیبرپختونخوا کےجو حالات ہیں اس کےبعد اداروں، آئین و قانون پراعتماد ختم ہوچکا ہے۔ ان کا مزید کہنا ہےکہ مجھےتو ڈرلگ رہا ہے خدانحواستہ ہم خانہ جنگی کی طرف بڑھ رہےہیں، ہم کسی صورت اپنے صوبے میں آپریشن نہیں ہونے دیں گے۔