پاسپورٹ سے متعلق مسائل، ڈی جی پاسپورٹ نے عوام کو نیا لالی پاپ دیدیا
پاسپورٹ دفاتر میں اضافی کاؤنٹربنائے گئے، پاسپورٹ کا سسٹم 20سال پرانا تھا، 20 پرانے پرنٹر سے 13 چل رہے تھے، لیمینیشن پیپرز کا مسئلہ ڈالر کی وجہ سے آرہا تھا
اسلام آباد(کھوج نیوز) ڈائریکٹر جنرل (ڈی جی) پاسپورٹ اینڈ امیگریشن مصطفی جمال قاضی نے عوام کو نیا لالی پاپ دیتے ہوئے کہا کہ ستمبر تک پاسپورٹ سے متعلق تمام مسائل کا مکمل حل ہوجائیگا۔
تفصیلات کے مطابق ڈی جی پاسپورٹ کا کہنا تھا کہ پاسپورٹ کی چھپائی کے عمل میں تاخیر پر قابو پالیں گے، ستمبر میں پاسپورٹ سے متعلق تمام مسائل کا مکمل حل ہوجائیگا۔ ڈی جی پاسپورٹ نے بتایا کہ پاسپورٹ دفاتر میں اضافی کاؤنٹربنائے گئے ہیں، پاسپورٹ کا سسٹم 20سال پرانا تھا، 20 پرانے پرنٹر تھے جن میں سے 13 چل رہے تھے، لیمینیشن پیپرز کا مسئلہ ڈالر کی وجہ سے آرہا تھا جو حل کرلیا گیا ہے۔ ڈی جی پاسپورٹ کا کہنا تھا کہ پاسپورٹ کی چھپائی میں تاخیرکی شکایات ہوئیں کیونکہ مشینری غیرفعال تھی، ای پاسپورٹ کی مشینری لینے کے لیے منظوری دی ہے، پاسپورٹ کی چھپائی کے لئے 6 نئے پرنٹر بھی آجائیں گے۔
