بنوں واقعہ، کے پی کے کی ایپکس کمیٹی کا اجلاس، اعلیٰ سول و عسکری قیادت کی شرکت، کیا فیصلہ ہوا؟

پشاور(کھوج نیوز) بنوں واقعہ پر پشاور کے خیبرپختونخوا (کے پی کے ) کی اپیکس کمیٹی کا اجلاس ، اعلیٰ سول و عسکری قیادت کی شرکت ، اجلاس میں کیا فیصلہ کیا گیا ؟ تفصیل سامنے آگئی ہے۔

تفصیلات کے مطابق وزیراعلیٰ خیبرپختونخوا علی امین گنڈا پور کی زیر صدارت ایپکس کمیٹی کے اجلاس میں کور کمانڈر پشاور اور دیگر اعلیٰ حکام بھی شریک ہیں جب کہ بنوں امن جرگہ کے مطالبات پیش کرنے کے لئے 5 ارکان بھی ایپکس کمیٹی کے اجلاس میں شریک ہیں، اجلاس میں بنوں واقعے سے متعلق کمیشن بنانے کے طریقہ کار پرغور کیا جائیگا۔ علی امین گنڈا پور نے مزید کہا کہ سرچ آپریشن پولیس اور سی ٹی ڈی کرے گی، غیر سرکاری مسلح افراد کے خلاف پولیس کارروائی کرے گی جب کہ ضرورت پڑنے پر سکیورٹی فورسز کی مدد لی جائے گی۔ وزیراعلیٰ کے پی نے امن جرگہ عمائدین سے گفتگو میں کہا تھا کہ عزمِ استحکام سے متعلق آئی ایس پی آر نے وضاحت کردی ہے ، یہ آپریشن نہیں بلکہ حکمت عملی ہے۔