پی ٹی آئی رہنماء رؤف حسن دل کی تکلیف کے باعث پمز اسپتال منتقل

اسلام آباد(کھوج نیوز) پاکستان تحریک انصاف(پی ٹی آئی) کے رہنما رؤف حسن کو دل کی تکلیف کے باعث پمز اسپتال منتقل کر دیا گیا جہاں پر ڈاکٹرز ان کا طبی معائنہ کر رہے ہیں۔

تفصیلات کے مطابق ڈسٹرکٹ اینڈسیشن کورٹ اسلام آباد نے رؤف حسن کے مزید جسمانی ریمانڈ کی استدعا مسترد کرتے ہوئے انہیں جوڈیشل ریمانڈ پر جیل بھیجنے کا حکم جاری کیا۔ ذرائع کے مطابق رؤف حسن کو حراست کے دوران دل کی تکلیف ہوئی جس کے بعد انہیں پمز اسپتال منتقل کیا گیا۔ ذرائع کا کہنا ہے کہ پمز کے شعبہ امراض دل میں رف حسن کے مختلف ٹیسٹ جاری ہیں۔ پی ٹی آئی رہنما کو ایف آئی اے اور پولیس کے اہلکار پمز لائے ہیں۔