اسماعیل ہنیہ کی شہادت، فلسطین، قطر، ترک اور روس میدان میں آگئے، شدید الفاظ میں مذمت

حماس (مانیٹرنگ ڈیسک) حماس کے سیاسی ونگ کے سربراہ اسماعیل ہنیہ کی شہادت پر فلسطین، قطر، ترک اور روس نے میدان میں آگئے ہیں اور انہوں نے شدید الفاظ میں مذمت بھی کی ہے۔

انٹرنیشنل میڈیا کے مطابق قطرکی جانب سے بھی اسماعیل ہنیہ کی تہران میں شہادت کی شدید مذمت کی گئی اور قطر نے کہا ہیکہ اسماعیل ہنیہ کا قتل اور غزہ میں عام شہریوں پر اسرائیلی حملے کشیدگی میں خطرناک اضافہ کریں گے۔ اسماعیل ہنیہ کی شہادت پر ردعمل دیتے ہوئے روسی وزارت خارجہ کے ایک نمائندے نے کہا کہ یہ ایک ناقابل قبول سیاسی قتل ہے اور یہ خطے میں موجودہ تناو میں مزید اضافہ کرے گا۔ فلسطینی صدر محمود عباس نے اسماعیل ہنیہ کی شہادت کی مذمت کی اور اسے ایک بزدلانہ حملہ اور خطرناک عمل قرار دیا جب کہ محمود عباس نے فلسطینی عوام سے متحد ہونے کی بھی اپیل کی۔ ترک وزارت خارجہ نے کہا کہ ایک بار پھر واضح ہوگیا کہ نیتن یاہو کی اسرائیلی حکومت کو امن میں کوئی دلچسپی نہیں، اگر عالمی قوتوں کی جانب سے اسرائیل کو نہ روکا گیا تو اس سے خطے میں مزید بڑے تنازعات کا سامنا ہوگا۔