حماس کے سربراہ اسماعیل ہنیہ کا قتل، پاکستان کا ردعمل بھی آگیا

اسلام آباد(کھوج نیوز) حماس کے سربراہ اسماعیل ہنیہ کا قتل، پاکستان کا ردعمل بھی آگیا ‘ دفتر خارجہ نے تہران میں حماس کے سربراہ اسماعیل ہنیہ کے قتل کی شدید مذمت بھی کی ہے۔

تفصیلات کے مطابق ترجمان دفتر خارجہ نے اپنے بیان میں کہا کہ پاکستان ہر طرح کی دہشتگردی کی مذمت کرتا ہے، پاکستان ماورائے عدالت اور ماورائے علاقہ، سرحد کسی بھی دہشتگردی کی مذمت کرتا ہے، ہمیں اس حملے کے وقت پر شدید حیرت ہے۔ دفتر خارجہ کا کہنا تھا کہ یہ حملہ اس وقت کیا گیا جب ایران کے نئے صدر نے حلف اٹھایا، اس تقریب میں غیر ملکی وفود بشمول پاکستان کے ڈپٹی وزیر اعظم موجود تھے۔ ترجمان نے کہا کہ پاکستان تہران میں حماس کے سربراہ اسماعیل ہنیہ کے قتل کی مذمت کرتا ہے، ہنیہ کے اہل خانہ اور فلسطینی عوام سے تعزیت کا اظہار کرتے ہیں۔