پنجاب میں سرمایہ کاری کےمنافع بخش مواقع موجود ہیں، وزیراعلیٰ مریم نوازکا سعودی عرب کےتجارتی وفد کےلئے پیغام

لاہور(کھوج نیوز) وزیر اعلیٰ پنجاب مریم نواز شریف کا سعودی عرب کے تجارتی وفد کی پاکستان آمد پر خیر مقدم کیا،وزیراعلیٰ مریم نواز نے کہا کہ سعودی عرب کے تجارتی وفد کو پاکستان آمد پر دل کی اتھاہ گہرائیوں سےخوش آمدید کہتے ہیں۔ سعودی عرب ہر پاکستانی کے دل میں بستا ہے- پاک سعودیہ تعلقات قربت کی بلندیوں کو چھورہے ہیں۔ مریم نوازشریف کا کہنا تھا کہ مسلم لیگ (ن)کی قیادت کا عزم ہے کہ پاکستان کوسرمایہ کاروں کے لئے پرکشش بنائیں گے۔ کارپوریٹ فارمنگ کے لئے سعودی انویسٹرز کی بھرپور معاونت کی جائے گی ۔ مریم نواز شریف نے کہا کہ
سعودی سرمایہ کاروں کے لئے پنجاب میں سرمایہ کاری کے منافع بخش مواقع موجود ہیں۔
پنجاب میں سعودی انوسڑ ز کےلئے ایگریکلچر، لائیو سٹاک، آئی ٹی اینڈ ٹیلی کام میں سرمایہ کاری کے شاندار مواقع موجود ہیں۔ پنجاب میں انرجی، صنعت، سیاحت اور ٹیکسٹائل میں سعودی سرمایہ کاروں کی معاونت کریں گے۔ سعودی عرب پاکستان کے لئے برادر بزرگ کی حیثیت رکھتا ہے، ہر مشکل گھڑی میں سعودی تعاون بے مثال ہے