رمضان شوگر ملز ریفرنس، وزیراعظم شہباز شریف اور حمزہ شہباز پیش ہوں، عدالتی بلاوا آگیا

لاہور(کھوج نیوز) وزیراعظم شہباز شریف اور حمزہ شہباز شریف کے خلاف رمضان شوگر ملز ریفرنس میں احتساب عدالت نے دونوں باپ بیٹے کے لئے بڑا اعلان کر دیا ہے۔

تفصیلات کے مطابق لاہور کی احتساب عدالت لاہورکے جج زبیر شہزاد کیانی نے وزیراعظم شہباز شریف اور حمزہ شہباز کے خلاف رمضان شوگر ملز ریفرنس پر سماعت کی۔ وزیر اعظم کے نمائندے انوار حسین عدالت میں پیش ہوئے جبکہ عدالت نے حمزہ شہباز کی ایک روزہ حاضری معافی کی درخواست منظور کرلی۔ عدالت نے پہلے فیصلہ محفوظ کیا اور بعد ازاں نیب ترمیم کی روشنی میں رمضان شوگر ملز ریفرنس اینٹی کرپشن عدالت میں بھجوانے کا حکم دے دیا ۔ نیب پراسیکیوٹر نے استدعا کی تھی کہ ریفرنس کو اینٹی کرپشن عدالت میں منتقل کیا جائے، اینٹی کرپشن عدالت میں نیب ریفرنس کی منتقلی پر اعتراض نہیں ہے۔