آئینی ترمیم کا معاملہ، مصدق ملک نے فضل الرحمان کے متعلق بڑا دعویٰ کر دیا

اسلام آباد(کھوج نیوز) آئینی ترمیم کے معاملہ پر وفاقی وزیر پٹرولیم مصدق ملک نے جمعیت علماء اسلام (ف) کے سربراہ مولانا فضل الرحمان کے متعلق بڑا دعویٰ کر کے سب کو حیران کر دیا ہے۔

تفصیلات کے مطابق وفاقی وزیر پٹرولیم مصدق ملک نے کہا کہ ہم مولانا فضل الرحمان کی بات سن رہے ہیں اور وہ ہماری بات سن رہے ہیں، آئینی ترمیم پر مولانا سے بات بن جائے گی۔ وفاقی وزیر کا کہنا تھا کہ کچھ دن پہلے مولانا نے کہا تھا کہ کالے ڈبے میں سے کوئی کالا کاغذ نکلا، وہ کالا ڈبہ پھر ہرا ہوا، پھر سفید ہوا، اب آگے پراسیس چل رہا ہے۔ مصدق ملک نے کہا کہ سپریم کورٹ کے ایک فیصلے کا دوسرے سے سر پیر نہیں ملتا جب کہ آئینی ترمیم جسٹس منصور سے متعلق نہیں ہے۔ انہوں نے مزید کہا کہ ہم دونوں پیپلز پارٹی کی بھی بات سن رہے ہیں، پی ٹی آئی کے ساتھ مولانا نے ابھی تک ایک پیج کی بات نہیں کی اور ابھی ان کی بات چل رہی ہے۔