پاکستان
لیگی ایم پی اے ثانیہ عاشق وزیراعلیٰ پنجاب کی معاون خصوصی تعینات
ثانیہ عاشق 2018ء کے عام انتخابات کے بعد بطور ینگسٹ ایم پی اے پنجاب اسمبلی کی رکن بنیں، وزیر اعلیٰ پنجاب مریم نواز کے ساتھ تقریبا ایک دہائی سے کام کر رہی ہیں
لاہور(کھوج نیوز) مسلم لیگ ن کی ایم پی اے ثانیہ عاشق کو وزیراعلیٰ پنجاب مریم نواز کی معاون خصوصی تعینات کر دیا گیا ہے جبکہ ان کو وزیراعلیٰ پنجاب کی کابینہ میں بھی شامل کرلیا گیا ہے۔
تفصیلات کے مطابق لیگی ایم پی اے ثانیہ عاشق جبین کو وزیر اعلیٰ پنجاب مریم نواز کی کابینہ میں شامل کرلیا گیا، ثانیہ عاشق کو وزیر اعلیٰ کی معاون خصوصی تعینات کردیاگیا، ثانیہ عاشق 2018 کے عام انتخابات کے بعد بطور ینگسٹ ایم پی اے پنجاب اسمبلی کی رکن بنیں، ثانیہ عاشق وزیر اعلیٰ پنجاب مریم نواز کے ساتھ تقریبا ایک دہائی سے کام کر رہی ہیں۔ثانیہ عاشق نے پنجاب یونیورسٹی سے ڈاکٹر آف فارمیسی کی ڈگری حاصل کر رکھی ہے، ان کو محکمہ سپیشل ایجوکیشن کا قلمدان سونپا گیا ہے۔
