ہماری پالیسی انتہائی واضح ہے ، ہم غیر ریاستی عناصر کی حمایت نہیں کرتے: افغان ناظم الامور

اسلام آباد(کھوج نیوز) پاکستان میں تعینات افغان ناظم الامور مولوی سردار شکیب نے کہا ہے کہ ہماری پالیسی انتہائی واضح ہے ہم غیرریاستی عناصرکی حمایت نہیں کرتے۔

تفصیلات کے مطابق مولوی سردار احمد شکیب کا کہنا تھاکہ پاکستان اور افغانستان دونوں کو سکیورٹی چیلنجز کا سامنا ہے، خطے میں امن و استحکام اور سکیورٹی ہماری خواہش ہے۔ انہوں نے کہا کہ پاکستان کو افغانستان سے سکیورٹی ایشوزپرشکایات ہیں، پاکستان کو قائل کر رہے ہیں کچھ غیرریاستی عناصر دراندازی کرتے ہیں، ہماری پالیسی انتہائی واضح ہے ہم غیر ریاستی عناصر کی حمایت نہیں کرتے۔ افغان ناظم الامور کا کہنا تھاکہ ہمیں اقتدار میں آئے تین برس کی انتہائی قلیل مدت ہوئی ہے، ہم وسطی و جنوبی ایشیا میں رابطے کا ذریعہ بننا چاہتے ہیں، پاکستان اور افغانستان کے درمیان رابطے کے چینل موجود ہیں۔