بانی پی ٹی آئی کی اہلیہ زمان پارک لاہور سے اچانک پشاور کیوں چلی گئیں،وجہ سامنے آگئی

لاہور(کھوج نیوز)بانی چیئرمین پاکستان تحریک انصاف (پی ٹی آئی) عمران خان کی اہلیہ بشریٰ بی بی لاہورزمان پارک سے پشاور روانہ ہوچکی ہیں۔ بشریٰ بی بی قافلے کےہمراہ وزیراعلیٰ ہاؤس پشاورجائیں گی۔ اس سےقبل جب اڈیالہ جیل میں 190ملین پاؤنڈ کیس کی سماعت کےبعد بشریٰ بی بی راولپنڈی سے رات گئے لاہورزمان پارک والی رہائشگاہ پہنچیں تو ان کے پیچھے پنجاب پولیس کی بھاری نفری بھی وہاں جمع ہوگئی۔

پی ٹی آئی ذرائع کے مطابق پولیس رات گئے قیدیوں کی وین اور واٹرکینن کے ہمراہ زمان پارک پہنچی اور عمران خان و بشریٰ بی بی کی رہائشگاہ کے اطراف پر بیریئر لگا کر ہر آنے جانے والے پرنظریں جمالیں۔ واضح رہے بشریٰ بی بی 30اکتوبر کو پشاور سے ہی اسلام آباد روانہ ہوئی تھیں جہاں انہوں نے اڈیالہ جیل میں عمران خان سے ملاقات کی تھی، جس کے بعد وہ زمان پارک لاہور چلی گئیں۔

تاہم، زمان پارک میں قیام کے بعد بشریٰ بی بی آج پشاور کے لیے روانہ ہوچکی ہیں، زمان پارک سے روانگی کے وقت ان کے ہمراہ سیکیورٹی کی گاڑیاں بھی موجود تھیں۔