قدرتی آفات سے نمٹنے کیلئے کیا کرنا ہوگا؟ مریم نواز نے سب کچھ واضح کر دیا

لاہور (کھوج نیوز) وزیراعلیٰ پنجاب مریم نوازنے کہا ہے کہ سونامی سے نمٹنے کیلئے عالمی تجربات سے سیکھنے پر زور دیتے ہوئے کہا ہے کہ دنیا کو یکجا ہو کر قدرتی آفات کا مقابلہ کرنا ہوگا۔

تفصیلات کے مطابق وزیراعلیٰ پنجاب مریم نواز نے کہا کہ سونامی جیسی قدرتی آفات فطری عوامل ہیں، موسمیاتی تبدیلی سے آفات میں اضافہ ہو رہا ہے، پاکستان بھی موسمیاتی تبدیلی کے سنگین مسئلے سے دو چار ہے۔انہوں نے کہا کہ دنیا کو یکجا ہو کر قدرتی آفات کا مقابلہ کرنا ہوگا،سونامی کی تباہی سے نمٹنے کیلئے ہمیں عالمی تجربات سے سیکھنا،اپنی حکمت عملی مضبوط بنانا ہوگی۔ انہوں نے کہا کہ حکومت پنجاب نے موسمیاتی تبدیلی بارے جامع پالیسی متعارف کرائی ہے جس میں قدرتی آفات میں انسانی جان و مال کا تحفظ بھی شامل ہے۔انہوں نے بتایا کہ پنجاب ڈیزاسٹر مینجمنٹ اتھارٹی کو جدید خطوط پر استوار کیا جا رہا ہے، عوام میں قدرتی آفات سے نمٹنے کیلئے باقاعدہ آگاہی پروگرامز کا انعقاد کر رہے ہیں، ناگہانی صورتحال میں شہریوں کو حفاظتی اقدامات سے آگاہ ہونا چاہئے۔انہوں نے کہا کہ پنجاب میں انفراسٹرکچر کی تعمیر میں زلزلے کے نقصانات سے بچا ؤکی تکنیک اپنائی جارہی ہے، ماحولیاتی بہتری کیلئے شہری حکومت کا ساتھ دیں۔