احتجاجی مارچ،بانی پی ٹی آئی کی اہلیہ بشریٰ بی بی نے پارٹی کمان سنبھال لی

پشاور(کھوج نیوز)24نومبر کا احتجاجی مارچ،بانی پی ٹی آئی کی اہلیہ بشریٰ بی بی نے پارٹی کمان سنبھال لی،رپورٹ کے مطابق انی پی ٹی آئی کی اہلیہ بشری بی بی نے انصاف اسٹوڈنٹس اور یوتھ لیڈرز کے ساتھ ملاقات کی ہے۔ ملاقات میں مینا خان، شاہد خٹک اور سہیل آفریدی بھی شریک تھے۔ذرائع کے مطابق بشری بی بی نے ملاقات میں بانی پی ٹی آئی کا پیغام انصاف اسٹوڈنٹس اور یوتھ لیڈرز کو پہنچایا۔ اس موقع پر گفتگو کرتے ہوئے بشری بی بی نے کہا ہے کہ بانی پی ٹی آئی کی 24 نومبر کے تناظر میں نوجوانوں سے بہت توقعات ہیں۔ ان کا کہنا تھا کہ بانی پی ٹی آئی کی رہائی کے لیے جدوجہد تیز کی جائے۔ واضح رہے کہ وزیر اعلی ہاوس پشاور میں پی ٹی آئی ہزارہ، ملاکنڈ اور بلوچستان کے عہدیداروں کے اجلاس ہوئے۔ تمام اجلاسوں میں بانی پی ٹی آئی کی اہلیہ بشری بی بی نے بات چیت کی۔ بشری بی بی نے بانی پی ٹی آئی کا پیغام پی ٹی آئی عہدیداروں تک پہنچایا۔