توشہ خانہ کیس 2میں ضمانت، بانی پی ٹی آئی کو رہائی کیوں نہ مل سکی؟ سارا کچا چٹھہ کھل کر سامنے آگیا

اسلام آباد(کھوج نیوز) توشہ خانہ کیس 2میں ضمانت ملنے کے باوجود پاکستان تحریک انصاف کے بانی کو رہائی کیوں نہ مل سکی؟ اس حوالے سے سارا کچا چٹھہ کھل کر سامنے آگیا ہے۔

تفصیلات کے مطابق28 ستمبراور 5 اکتوبر کے احتجاج پر بانی پی ٹی آئی کے خلاف 3 مقدمات درج ہوئے ، راولپنڈی میں درج مقدمات میں بانی پی ٹی آئی کی ابھی تک گرفتاری نہیں ڈالی گئی، راولپنڈی کے تمام مقدمات انسداد دہشت گردی کی دفعات کے تحت درج ہیں۔ بانی پی ٹی آئی کے خلاف تھانہ نصیر آباد، نیوٹاون اور ٹیکسلا میں مقدمات ہیں، 9 مئی کے 5 مقدمات میں ضمانت کے باوجود ضمانتی مچلکے جمع نہیں کرائے گئے۔ضمانتی مچلکے داخل ہونے کے بعد راولپنڈی کی اے ٹی سی رہائی کا حکم جاری کرے گی۔