حکومت نےاپنےآپ کوکمزورکیا،عمران خان جیل میں رہ کر بھی مضبوط،عمرچیمہ نےحقائق کھول کر رکھ دئیے

اسلام آباد(کھوج نیوز)حکومت نے اپنے آپ کو کمزورکیا،عمران خان جیل میں رہ کر بھی مضبوط،عمر چیمہ نے حقائق کھول کر رکھ دئیے،رپورٹ کے مطابق سینئر صحافی و تجزیہ کارعمر چیمہ نے کہا ہے کہ حکومت نے اپنے آپ کو بہت ہی نالائق اور کمزور ثابت کیا ہے۔ انہوں نے خود ثابت کیا ہے کہ عمران خان جیل میں رہ کر بھی ان سے بہت زیادہ مضبوط ہیں۔
عمر چیمہ نے کہا کہ حکومت کی کوئی سمجھ نہیں آرہی۔ اتنے دنوں سے یہ بڑھکیں مار رہے ہیں ۔آئی جی مولا جٹ سٹائل میں دھمکیاں دے رہے ہوتے ہیں۔جو آج ان کی کارکردگی ہے ان کی ساکھ کمزور ہوئی ہے۔ حکومت کو دھمکیاں نہیں دینی چاہیئں کہ ہم کسی کو آنے نہیں دیں گے۔حکومت بالکل کمزور ہے ان کے کنٹرول میں کچھ نہیں ہے۔ابھی تک کوئی حکمت عملی نظر نہیں آرہی بلکہ مایوسی ہوئی ہے۔اگر وہ ڈی چوک پر آجاتے ہیں تو کوئی سرپرائز نہیں ہے۔