زرمبادلہ کے ذخائر میں کتنا اضافہ ہوا؟ سٹیٹ بینک نے ناقابل یقین اعدادو شمار جاری کر دیئے

کراچی (کھوج نیوز) زرمبادلہ کے ذخائر میں کتنا اضافہ ہوا؟ اس حوالے سے سٹیٹ بینک آف پاکستان نے ناقابل یقین اعدادو شمار جاری کر دیئے ہیں جو ایک اچھی خبر ہے۔

تفصیلات کے مطابق اسٹیٹ بینک کی جانب سے جاری کردہ اعدادوشمار کے مطابق گزشتہ سال کے اختتام پر زرمبادلہ کے ملکی ذخائرکاحجم 12.676ارب ڈالر ریکارڈ کیا گیا تھا جس میں سٹیٹ بینک کے پاس زرمبادلہ کے ذخائرکاحجم 8.233ارب ڈالر اور کمرشل بینکوں کے پاس زرمبادلہ کے ذخائر کا حجم 4.440ارب ڈالرتھا۔ اعداد وشمار کے مطابق 15نومبر کو ختم ہونے والے ہفتہ میں زرمبادلہ کے مجموعی ملکی ذخائرکاحجم 15.968ارب ڈالرریکارڈ کیاگیا جس میں سٹیٹ بینک کے پاس زرمبادلہ کے ذخائرکاحجم 11.288ارب ڈالراوربینکوں کے پاس زرمبادلہ کے ذخائرکاحجم 4.680ارب ڈالرہے۔