پاکستان اسٹاک ایکس چینج میں ایک بارتیزی،انڈیکس نے نئی بلندی کو چھولیا

اسلام آباد(کھوج نیوز) پاکستان اسٹاک ایکس چینج میں آج ایک بار پھر زبردست تیزی کا رجحان ہے، جس کے نتیجے میں انڈیکس ایک لاکھ 11 ہزار پوائنٹس کی سطح بھی عبور کرگیا ہے۔ کاروباری ہفتے کے دوسرے دن بازارِ حصص میں 1000 پوائنٹس کی ریکارڈ ساز تیزی کے ساتھ مارکیٹ کا آغاز ہوا، جس سے کے ایس ای 100 انڈیکس ایک لاکھ 11 ہزار پوائنٹس کی نئی تاریخ ساز سطح عبور کرگیا۔

ملک میں مثبت معاشی اشاریوں، نئی مانیٹری پالیسی میں شرح سود میں نمایاں کمی، انفلوز میں بہتری اور اصلاحات پروگرام پر عمل درآمد جاری رہنے سے معیشت درست پر گامزن ہونے جیسے عوامل کے باعث پاکستان اسٹاک ایکس چینج میں گزشتہ روز بھی انڈیکس ایک لاکھ 10 ہزار  پوائنٹس کی نئی بلند ترین سطح پہنچ گیا تھا۔ خیال رہے کہ گزشتہ کئی ہفتوں سے پی ایس ایکس 100 انڈیکس کی بلند ترین سطحوں کو چھو چکا ہے اور اس دوران کئی نئے ریکارڈز قائم ہو چکے ہیں۔