قانونی پیچیدگیاں، پاکستانی لاکھوں ڈالرز لیکر کہاں جا رہے ہیں؟ چیئرمین نیب نے سر پکڑ لیا

اسلام آباد(کھوج نیوز) قانونی پیچیدگیاں کے باعث پاکستانی لاکھوں ڈالرز کہاں لے کر جا رہے ہیں؟ اس حوالے سے تفصیلات سامنے آنے کے بعد چیئرمین نیب بھی سر پکڑ کر بیٹھ گئے۔

قومی احتساب بیورو کے چیئرمین لیفٹیننٹ جنرل ریٹائرڈ نذیر احمد بٹ نے کہا ہے کہ پاکستان کو قانونی امیگریشن کا چیلنج درپیش ہے،پاکستانی لاکھوں ڈالر زلیکر باہر جا رہے ہیں۔ ترقی یافتہ ملک سرمایہ کاری کے عوض رہائش اور ویزے دے رہے ہیں اور پاکستانی 5-5 لاکھ اور 10-10 لاکھ ڈالرز لے کر باہر جا رہے ہیں۔ چیئرمین نیب کا کہنا تھا کہ یہ جاننا ضروری ہے ان کے پاس یہ رقم کہاں سے آئی؟ کیونکہ ان میں سے اکثر یہاں ٹیکس دہندہ بھی نہیں ہوتے۔ رواں برس نیب نے مختلف کارروائیوں کے ذریعے 13.57 ارب ڈالر یعنی 3800 ارب روپے برآمد کئے ہیں جو کہ ایک سال میں سب سے بڑی برآمدگی ہے۔