سول نافرمانی تحریک کب شروع ہوگی؟ علی امین گنڈا پور نے حکومتی حلقوں میں کھلبلی مچ دی

پشاور (کھوج نیوز) پاکستان تحریک انصاف کی طرف سے سول نافرمانی کی تحریک کب شروع ہوگی؟ وزیراعلیٰ خیبرپختونخوا علی امین گنڈا پور نے حکومتی حلقوں میں کھلبلی مچا کر رکھ دی ہے۔

تفصیلات کے مطابق وزیراعلیٰ خیبرپختونخوا علی امین گنڈاپور کا کہنا تھا کہ میں پورے خیبرپختونخوا کا نمائندہ ہوں، مجھے کسی سے کلیئرنس کی ضرورت نہیں، جو اوچھے ہتھکنڈے استعمال کر رہے ہیں کیا ان کی کلیئرنس ہے؟ انہوں نے کہا کہ بانی پی ٹی آئی جب بتائیں گے تب سول نافرمانی تحریک شروع ہوگی، ان کے احکامات آئیں گے پھر اس پرعمل ہوگا۔ انہوں نے مزید کہا کہ مجھے گزشتہ روز بانی پی ٹی آئی سے ملاقات نہیں کرنے دی گئی، مجھے کہا گیا کہ آپ کو ملاقات کی اجازت نہیں ہے۔