جی ایچ کیو حملہ کیس، عدالت نے عمران خان اور علی امین گنڈا پور کو بڑا سرپرائز دے دیا

راولپنڈ ی(کھوج نیوز) 9مئی جنرل ہیڈ کوارٹر (جی ایچ کیو ) حملہ کیس میں عدالت نے پاکستان تحریک انصاف کے بانی عمران خان اور علی امین گنڈا پور کو بڑا سرپرائز دے دیا ہے۔

تفصیلات کے مطابق انسداد دہشتگردی عدالت راولپنڈی نے 9 مئی جی ایچ کیوحملہ کیس میں 12 ملزمان کی درخواست بریت پرسماعت کی۔ پی ٹی آئی کے وکیل فیصل چوہدری اور فیصل ملک لیگل ٹیم کے ہمراہ عدالت پیش ہوئے۔ اسپیشل پبلک پراسیکیوٹر ظہیرشاہ نے درخواست بریت کے خلاف دلائل دیے۔ عدالت نے عمران خان، علی امین گنڈاپور، شاہ محمود قریشی، شبلی فراز، شہریار آفریدی، فواد چوہدری، کنول شوذب اور عمرتنویربٹ کی درخواست بریت خارج کردی۔ عدالت نے قرار دیاکہ فرد جرم عائد ہونے کے بعد بریت کی درخواستیں غیر مؤثر ہیں۔