قمر جاوید باجوہ گھر میں نظر بند؟ مگر کیوں؟ سینئر صحافی کے بڑے دعویٰ نے تھرتھرلی مچا دی

اسلام آباد(کھوج نیوز) سابق آرمی چیف جنرل (ر) قمر جاوید باجوہ کو گھر میں میں نظر بند کر دیا گیا مگر کیوں؟ اس حوالے سے سینئر صحافی کے بڑے دعویٰ نے ملک بھر میں تھرتھرلی مچا کر رکھ دی ہے۔

تفصیلات کے مطابق سینئر صحافی زاہد گشکوری نے دعویٰ کیا ہے کہ سابق آرمی چیف جنرل (ر)قمر جاوید باجوہ پر لوگوں سے ملاقات پر پابندی عائد کردی گئی ،جنرل (ر) قمر جاوید باجوہ کو لوگوں سے ملنے سے منع کردیا گیا ہے،جنرل (ر) باجوہ اس وقت پاکستان میں ہی موجود ہیں،زاہد گشکوری نے دعوی کرتے ہوئے مزید کہا ہے کہ سابق ڈی جی آئی ایس آئی کی قانونی ٹیم نے بتایا کہ جنرل(ر) فیض حمیدچاہتے ہیں کہ جنرل(ر) قمر جاوید باجوہ کا بیان بھی ریکارڈ ہونا چاہئے۔

ان کا کہنا تھا کہ جنرل (ر) فیض حمید کے خلاف جو مقدمہ چل رہا ہے وہ اسی مہینے کسی بھی وقت اپنے اختتام کو پہنچ جائے گاکیونکہ دلائل اپنے آخری مراحل میں ہیں۔صحافی کا یہ بھی کہنا ہے کہ سابق آرمی چیف کو کسی سے بھی ملنے کیلئے اجازت نہیں دی گئی ہے ۔ پاکستان کے سابق آرمی چیف کیلئے عہدہ چھوڑنے کے بعد دو سال کی ملاقات پر پابندی کی شرط ہوتی ہے لیکن جنرل (ر) باجوہ کی وہ بنیادی مدت بھی پوری ہوچکی ہے۔