عمران خان کی چھٹی؟ بشریٰ بی بی نے پارٹی کی کمان سنبھال لی

اسلام آباد(کھوج نیوز) پاکستان تحریک انصاف کے بانی عمران خان کی چھٹی؟ اہلیہ بشریٰ بی بی نے پارٹی کی کمان سنبھال لی ہے۔

تفصیلات کے مطابق ذرائع نے بتایا ہے کہ بانی پی ٹی آئی عمران خان کی اہلیہ بشری بی بی نے پاکستان تحریک انصاف کے سیاسی امور کے بعد قانونی معاملات میں بھی مداخلت کرتے ہوئے وکلا اور انصاف لائرز فورم کی ٹیموں کو تبدیل کر دیا۔

ذرائع کا بتانا ہے کہ بشری بی بی نے قاضی انور کو کیسز پر حتمی مشاورت کا پابند کر دیا ہے اور وکلا کو بانی پی ٹی آئی تک پیغام رسانی سے روک دیا ہے۔ ذرائع کے مطابق اس ہفتے کے پی کے وکلا عہدیداروں کی تبدیلیوں پر حتمی مشاورت بشری بی بی سے کی گئی، بشری بی بی نے وکلا کے تنازعات حل کیے اور بانی پی ٹی آئی کو آگاہ کیا۔ ذرائع کے مطابق عمران خان کی اہلیہ بشری بی بی نے قاضی انور ایڈووکیٹ کے ذریعے ملک بھر کے وکلا کی فہرست منگوا لی ہے، قاضی انور اور مشعال یوسفزئی بشری بی بی کو وکلا کے معاملات پر رپورٹ کریں گے۔ ذرائع کا کہنا ہے کہ قاضی انور ایڈووکیٹ نے وکلا قیادت کی خرابیوں اور مسائل پر بشری بی بی کو بریف کیا۔