بے گھرافراد کے لیے وزیراعلی پنجاب مریم نواز کا بڑا منصوبہ

لاہور(کھوج نیوز) وزیر اعلی پنجاب مریم نواز کا کالا شاہ کاکو میں زہرہ ہومز کا دورہ کیا ۔ وزیر اعلی مریم نواز نے زہرہ ہومز کا دورہ کیا اور ان کو اس متعلق بریفینگ بھی دی گئی۔اس مو قع پر وزیر اعلی نے زہرہ ہومز مسکن راوی کا افتتاح بھی کیا اور 100 خاندانوں کو گھروں کے الا ٹمنٹ لیٹرز اور چابیاں دیں ۔

اس موقع پر وزیر پنجاب کو بریفنگ میں بتا یا گیا کہ اس اسیکم میں ابتدائی طور پر 100 گھر تعمیر کیے جائیں گے،بریفنگ میں بتا یا گیا کہ زہرہ ہومز میں ہر گھر 400 مربع فٹ پر محیط ہے جس میں دوبیڈ ،ایک باورچی خانہ،ایک باتھ روم اور صحن شامل ہے ۔

بریفنگ میں بتا یا گیا کہ زہرہ ہومز کو ای پی ایس سمارٹ پینل ٹیکنالوجی سے زلزلے سے محفوظ بنیا گیا ہے ۔اس کے علاوہ توانائی کے لحاظ سے موثر اورماحولیاتی طورپرپائیدار بنایا گیا۔ ہر گھر 5 کلو واٹ کے سولر سسٹم سے چلایا جائے گا۔کمیونٹی میں صاف پانی کے لیے آر او پلانٹ، ایک سکول، کھیل کے میدان، مسجد اور ڈسپنسری کی سہولتیں دی گئی ہیں۔وزیر اعلی مریم نواز نے زہرہ ہومز/ مسکن راوی کے معیار اور سہولتوں پر اظہار اطمینان کیا۔