حکومت مدت پوری کرے گی یا نہیں ؟خورشید شاہ نے بڑا دعوی کردیا

اسلام آباد(کھوج نیوز)پاکستان پیپلز پارٹی کے مرکزی رہنما سید خورشید شاہ نے کہا کہ پاکستان تحریک انصاف (پی ٹی آئی )کی حکومت کو تحریک عدم اعتماد کے ذریعے نہیں ہٹانا چاہیے تھا، ان کی حکومت مدت پوری کرتی تو آج عمران خان کی 4 سیٹیں بھی نہ ہوتیں۔انہوں نے کہا کہ آرمی چیف کی مدت ملازمت میں توسیع حالات کی ضرورت تھی، پارلیمنٹ تکلیف دہ فیصلے بھی کرتی ہے، یہی پارلیمنٹ کی بالادستی ہے۔پی پی پی کے سینئر رہنما نے کہا کہ وفاقی حکومت کی مدت کے حوالے سے بات کرتے ہوئے کہا کہ مدت پوری وفاقی حکومت مدت پو ری کرے گی یا نہیں، اس کا علم نہیں، دعا کریں۔

خو رشید شاہ نے مزید کہا کہ مسلم لیگ ن کے وزرا اور ایم این ایز اپنی پنجاب حکومت سے بہت پریشان ہیں۔خورشید شاہ نے کہا کہ وزیر اعلی مریم نواز اپنے ارکان اسمبلی اور وزرا ء سے ملنے کے لیے تیار نہیں، مجھے وزرا نے بتایا کہ ہم آج تک وزیر اعلی پنجاب سے نہیں ملاقات کر سکے ہیں۔