190ملین پائونڈ کیس کا فیصلہ، بانی پی ٹی آئی کے متعلق شیخ رشید کا حیران کن انکشاف، نئی بحث کا آغاز

راولپنڈ ی(کھوج نیوز) 190ملین پائونڈ کیس میں بانی پی ٹی آئی عمران خان کو سزا ہونے کے بعد شیخ رشید نے حیران کن انکشاف کر دیا ہے جس کے بعد ملک بھر میں نئی بحث کا آغاز ہوگیا ہے۔

تفصیلات کے مطابق سابق وزیر داخلہ شیخ رشید کا کہنا تھا کہ کمرہ عدالت میں بانی پی ٹی آئی سے ملاقات ہوئی ہے، میں نے بانی پی ٹی آئی کو بوسہ دیا اورانہوں نے مجھے گلے لگایا۔ انہوں نے بتایا کہ بانی پی ٹی آئی نے کہا آپ سیاست کو سمجھتے ہیں، اللہ بہت بڑا ہے وہی ہماری مدد کرے گا جس پر میں نے کہا ہے ہائیکورٹ سے آپ کو جلد ریلیف ملے گااور ساتھ ہی ایک شعر” یہ تو چلتی ہے تجھے اونچا اڑانے کے لیے”بھی کہا ۔ سابق وزیر کا کہنا تھا کہ190 ملین پاؤنڈ کیس کے فیصلے پر بانی پی ٹی آئی ذرا بھی پریشان نہیں، اگر جوڈیشل کمیشن نہیں بنا تو مذاکرات ختم ہیں، بیرسٹرگوہر اور آرمی چیف کی ملاقات کے بارے میں مجھے کوئی علم نہیں ہے۔