پاکستان
وزیراعظم شہباز شریف کی ایک بار پھر تحریک انصاف کو بڑی پیشکش مگر کیا؟
کھلے دل کے ساتھ پی ٹی آئی کی ساتھ مذاکرات میں بیٹھے تھے وہ آئیں بیٹھیں، ہم ہاؤس کمیٹی بنانے کو تیار ہیں، ہم مذاکرات کے لیے صدق دل سے تیار ہیں: شہباز شریف
اسلام آباد(کھوج نیوز) وزیراعظم میاں شہباز شریف نے ایک بار پھر تحریک انصاف کو بڑی پیشکش کی ہے مگر کونسی؟ اس حوالے سے تمام تر تفصیلات منظر عام پر آنے کے بعد سب دنگ رہ گئے ہیں۔
تفصیلات کے مطابق وزیراعظم شہباز شریف کا کہنا تھا کہ کھلے دل کے ساتھ پی ٹی آئی کی ساتھ مذاکرات میں بیٹھے اور انہیں مذاکرات کے لیے ساز گار ماحول فراہم کیا گیا لیکن پی ٹی آئی مذاکرات سے بھاگ رہی ہے۔ انہوں نے کہا کہ ہم نے بہت نیک نیتی سے پی ٹی آئی سے مذاکرات کیے، ہماری کمیٹی نے کہا کہ اپنے تحریری مطالبات دیں۔ شہباز شریف نے پی ٹی آئی کو کمیشن کی بجائے پارلیمانی کمیٹی بنانے کی پیشکش کرتے ہوئے کہا کہ وہ آئیں بیٹھیں، ہم ہاؤس کمیٹی بنانے کو تیار ہیں، ہم مذاکرات کے لیے صدق دل سے تیار ہیں۔
