ملک میں نئے الیکشن،نواز شریف کی حکمت عملی سامنے آگئی

لاہور(کھوج نیوز) سینئر صحافی نجم سیٹھی نے انکشاف کیا ہے کہ ملک میں آئندہ کچھ ماہ میں نئے الیکشن ہو سکتے ہیں جس کی تیاری میاں نواز شریف نے پنجاب میں شروع کر دی ہے ۔ان کا کہنا ہے کہ پنجاب میں میاں نواز شریف نے پارٹی کو دوبارہ منظم کرنے کی شرو عات کر دی ہے کیوںکہ ان کا خیال ہے کہ اگر آنے والے وقت میں اچانک الیکشن کا اعلان ہو گیا تو ن لیگ اس کے لیے تیا ر نہیں ہے ۔ جس کی تازہ مثال میاں نواز شریف ،وزیر اعلی پنجاب مریم نوازاور رانا ثنا اللہ کی مسلم لیگ ن کے مختلف ایم پی ایز سے ملاقات کی صورت میں سامنے آئی ہے ۔ان کا کہنا تھا کہ یہ معاشی سال ختم ہو رہا ہے اور نئے سال پر فنڈز بھی جاری کیے جائیں گے جس کے لیے ابھی سے حکمت عملی تیار کی جا رہی ہے ۔