عمران خان کا آرمی چیف کو تیسرا خط، برف پگھلنے لگی، آگے کیا ہونے والا ہے؟ بڑی پیشگوئی کر دی گئی

راولپنڈی (کھوج نیوز) پاکستان تحریک انصاف کے بانی عمران خان نے آج ایک بار پھر آرمی چیف جنرل عاصم منیر کو تیسرا خط لکھا، دونوں کے درمیان برف پگھلنے لگی، آگے کیا ہونے والا ہے؟ بڑی پیشگوئی کر دی گئی۔

تفصیلات کے مطابق پاکستان تحریک انصاف کے بانی عمران خان کے وکیل فیصل چوہدری نے کہا کہ بانی پی ٹی آئی عمران خان نے آج آرمی چیف کو تیسرا خط لکھا ہے جس میں الیکشن فراڈ کے ذریعے اقلیت کو اکثریت پر ترجیح دینے کا معاملہ اٹھایا ہے۔ انہوں نے کہا کہ بانی پی ٹی آئی نے خط میں کہا ہے کہ منی لانڈرزکو اقتدار میں بٹھایا گیا ہے۔ ان کا کہنا تھاکہ بانی پی ٹی آئی کے تیسرے خط کے مندرجات آج سامنے آئیں گے۔

فیصل چوہدری کا کہناتھاکہ9 مئی کے واقعے پرآج بھی جوڈیشل کمیشن کے قیام کے مطالبے پرقائم ہیں، 8 فروری کے بعد پنجاب میں چھاپوں کا سلسلہ تاحال جاری ہے۔ انہوں نے کہا کہ عامر ڈوگر کو اپوزیشن کے ساتھ مذاکراتی کمیٹی کا ممبربنایا گیا ہے، سیاسی کمیٹی میں کچھ نئے ممبران کے اضافہ کا فیصلہ کیا گیا ہے، انتظار پنجوتھا کو آج جیل میں نہیں جانے دیا گیا، وکلا کو جیل ٹرائل میں نہیں جانے دیا جارہا، ہم جی ایچ کیو کیس میں بھی اوپن ٹرائل کی درخواست دائر کرینگے۔