بلدیاتی انتخابات کا معاملہ، پیپلز پارٹی کی مخالفت، ن لیگ کا بھی کرارا جواب

لاہور(کھوج نیوز) پنجاب بھر میں ہونے والے بلدیاتی انتخابات کے معاملے پر پاکستان پیپلز پارٹی نے مخالفت کر دی ہے جس پر مسلم لیگ ن کا بھی کرارا جواب سامنے آگیا ہے۔

تفصیلات کے مطابق پنجاب اسمبلی میں پیپلزپارٹی کے پارلیمانی لیڈر علی حیدر گیلانی نے پنجاب کو بدانتظامی کا شکار صوبہ قرار دیدیا، ان کا کہنا تھا کہ ن لیگ کو بلدیاتی حکومتوں کے معاملہ پر سمجھائیں گے اور حوصلہ بھی دیں گے۔ ان کا مؤقف تھا کہ بلدیاتی اداروں کومستحکم کرنے میں پنجاب پیچھے جبکہ سندھ آگے ہے، حالانکہ آئین میں بلدیاتی حکومتوں کو جمہوریت کا تیسرا ستون قرار دیا گیا ہے۔ ملک کے مسائل کا حل بااختیار بلدیاتی حکومتیں ہیں اور اس حل کا سب کو پتا ہے، ملک کا المیہ رہا ہے کہ حکومت اپنے مفادات کے تحفظ کے لیے مالی اور انتظامی اختیارات کی نچلی سطح تک تقسیم سے گریزاں رہتی ہے۔ علی حیدر گیلانی نے پنجاب حکومت کو بلدیاتی انتخابات کروا صوبے کی گورننس کو بہتر کرنے کا مشورہ دیتے ہوئے کہا کہ وزیر اعلی مریم نواز کو بلدیاتی نمائندوں کو اختیارات دینے چاہئیں۔