وزیر اعلی پنچاب کا ون ڈش کی خلاف ورزی کر نے والوں کے خلاف کارروائی کا حکم

لاہور( کھوج نیوز)وزیراعلی مریم نواز نے صوبے بھرمیں ڈپٹی کمشنرز کوون ڈش کی پابندی پرسختی سے عملدرآمد یقینی بنانے کا حکم دیدیا،ون ڈش پرپابندی کااطلاق فارم ہاؤسز اورپرائیویٹ پراپرٹی میں شادی کی تقریبات پربھی ہو گا۔

انتظامیہ کومتعلقہ علاقوں میں ون ڈش کی پابندی کی کڑی مانیٹرنگ کا حکم دیدیا گیا،ون ڈش کی خلاف ورزی پر جرمانے اور قواعد کے مطابق کارروائی کی ہدایت کی گئی ہے۔

مریم نواز نے کہا ہے کہ شادیوں میں ون ڈش کیخلاف ورزی استطاعت نہ رکھنے والے والدین پر مالی بوجھ بنتا ہے، شادی کی تقریبات میں ایک سے زیادہ ڈش کے منفی سماجی اثرات سامنے آتے ہیں، انتظامیہ متعلقہ علاقوں میں ون ڈش پر پابندی ہرصورت یقینی بنائے، ون ڈش کی خلاف ورزی سامنے آنے پرمتعلقہ ڈپٹی کمشنر ذمہ دارسمجھا جائے گا ۔