وزیر اعلی پنجاب کا عوام کے لیے ایک نئی سیکم کا آغاز

لاہور(کھو ج نیوز)وزیراعلی پنجاب مریم نواز نے چیف منسٹر پنجاب فری سولر پینل سکیم کا آغاز کر دیا۔سی ایم پنجاب فری سولر پینل سکیم کے تحت سال بھر میں 94483 سولر سسٹم لگائے جائیں گے۔ وزیراعلی مریم نواز نے فری سولر پینل سکیم میں کامیابی حاصل کرنے والے خوش نصیب صارفین کو مبارکباد دی ۔

سیکرٹری انرجی نے چیف منسٹر پنجاب فری سولر پینل سکیم کے بارے میں وزیر اعلی پنجاب کو بریفنگ دی۔ وزیر اعلی پنجاب کو بریفنگ میں بتایا گیا فزیکل ویری فکیشن کے بعد مارچ کے آخر میں صوبہ بھر میں سولر سسٹم کی انسٹالیشن شروع ہو گی۔بریفنگ میں یہ بھی بتا یا گیا کہ جولائی کے آخرتک فری سولر پینل سکیم کا پہلا فیز مکمل ہو جائے گا ۔ بریفنگ میں یہ بھی بتا یا گیا کہ صوبے میں ماہانہ 200 یونٹ تک صرف کرنے والے صارفین کے لئے سولر سسٹم مفت انسٹال کیا جائے گا۔فری سولر پینل سکیم کے لئے 861000 صارفین نے اپلائی کیا۔

بریفنگ میں بتا یا گیا کہ فری سولر پینل سکیم کا تمام پراسیس اینڈ ٹو اینڈ ڈیجیٹلائزیشن کے ذریعے مکمل کیا گیا۔ 0.55کلوواٹ کے 47182 اور 1.1 کلوواٹ کے 47301 سسٹم انسٹال کئے جائیں گے۔ سو یونٹ ماہانہ اور 200یونٹ تک ماہانہ بجلی صرف کرنے والے صارفین کو سولر سسٹم مفت دیاجائے گا۔ بریفنگ میں بتا یا گیا کہ صارفین کے ماہانہ بل پر درج ریفرنس نمبر اور سی این آئی سی نمبر سے ویری فکیشن کی جائے گی۔فری سولر پینل حاصل کرنے والے صارفین کی معاونت او ررہنمائی کے لئے ہیلپ لائن بھی قائم کی گئی ہے۔ بریفنگ میں یہ بھی بتا یا گیا کہ پنجاب میں تقریبا ایک لاکھ سولر سسٹم انسٹال کرنے سے 57ہزار ٹن کاربن کااخراج کم ہوگا۔