برطانیہ سے آئے 190ملین پاونڈز کا کیا کیا جائے گا ؟وزیر اعظم نے بڑا فیصلہ کر دیا
برطانیہ سے 190ملین پاونڈ ز کی رقم وفاقی حکومت کے اکاؤنٹ میں منتقل ہو جانے کے بعد وزیراعظم کا دانش یونیورسٹی کی تعمیر میں استعمال کرنے کا فیصلہ
اسلام آباد(کھوج نیوز)وزیراعظم کی زیرصدارت دانش یونیورسٹی آف اپلائیڈ اینڈ ایمرجنگ سائنسزکی اسٹیئرنگ کمیٹی کا اجلاس ہوا، این سی اے کے پاکستان کو واپس 190 ملین پاونڈز سپریم کورٹ سے وفاقی حکومت کے اکاؤنٹ میں منتقل کیے گئے ہیں۔ وزیراعظم محمد شہبازشریف کے ویژن کے مطابق یہ رقم دانش یونیورسٹی کی تعمیر میں استعمال کی جائے گی۔
وزیراعظم شہبازشریف نے 190 ملین پاؤنڈز کی رقم وفاقی حکومت کو منتقلی پر چیف جسٹس آف پاکستان کا شکریہ ادا کیا، کہا دانش یونیورسٹی میں مستحق، لائق طلبا کو اعلی درجے کی تحقیق پر مبنی تعلیم سے آراستہ کیا جائے گا۔وزیراعظم نے یونیورسٹی کیلئے اسلام آباد میں زمین کے حصول کے لیے قانونی تقاضے جلد مکمل کرنے کی ہدایت کردی، وزیراعظم شہبازشریف نے یونیورسٹی کے چارٹر اور دیگر قانونی معاملات جلد از جلد مکمل کرنے کی بھی ہدایت کیں۔
شہبازشریف نے کہا کہ یونیورسٹی عمارت میں سادگی کا عنصر نمایاں ہو اور سرخ اینٹوں سے تعمیر کیا جائے، عمارت پر کوئی غیر ضروری خرچ نہ کیا جائے تاکہ لاگت کم سے کم ہو، یونیورسٹی کے لیے اعلی تعلیم یافتہ اساتذہ اور فیکلٹی کو بھرتی کیا جائے گا۔
وزیراعظم پاکستان دانش یونیورسٹی کے پیٹرن ہوں گے، دانش یونیورسٹی کی رجسٹریشن سیکشن 42 کمپنی کے طور پر کی جائے گی جس کے لئے تمام ضروری معاملات چند ہی روز میں مکمل ہو جائیں گے ؛ دانش یونیورسٹی کے لئے سیکٹر ایچ 16 میں زمین کا انتخاب کیا گیا ہے۔
دانش یونیورسٹی کے امور دانش ٹرسٹ کے زیر تحت ہوں گے تاکہ ادارہ اپنے مالی امور میں خود مختار ہو اور حکومت کا اس میں کوئی عمل دخل نہ ہو۔
