پاکستان
بانی پی ٹی آئی کی رہائی؟ رانا ثناء اللہ کا بڑا دعویٰ، سیاست میں نئی ہلچل
بانی پی ٹی آئی کو عدالت رہا کرتی ہے تو حکومت کو کوئی اعتراض نہیں' بانی پی ٹی آئی کو حکومت نے نظر بند نہیں کیا ہوا، وہ اپنے مقدمات کی وجہ سے جیل میں ہیں
اسلام آباد(کھوج نیوز) بانی پی ٹی آئی عمران خان کی رہائی؟ وزیراعظم کے مشیر برائے سیاسی امور رانا ثناء اللہ کے بڑے دعویٰ نے قومی سیاست میں نئی ہلچل مچا کر رکھ دی ہے۔
تفصیلات کے مطابق وزیراعظم کے مشیر برائے سیاسی امور رانا ثنااللہ کا کہنا تھا کہ بانی پی ٹی آئی کو حکومت نے نظر بند نہیں کیا ہوا، وہ اپنے مقدمات کی وجہ سے جیل میں ہیں۔ رانا ثنااللہ نے کہا کہ قومی سلامتی کمیٹی کے اجلاس میں علی امین گنڈا پور پر پولیس اورسی ٹی ڈی کومضبوط بنانے پر زور دیاگیا۔ان کا کہنا تھا کہ بانی پی ٹی آئی اپنی ضمانت ہائی کورٹ یا سپریم کورٹ سے کرواسکتے ہیں۔ رانا ثنااللہ کا مزید کہنا تھا کہ یہ آپریشن آخری دہشت گرد کے خاتمے تک جاری رہے گا۔ ان کہنا تھا کہ خیبر پختونخوا میں آپریشن ہورہا ہے، انٹیلی جنس بیسڈ آپریشنز کبھی نہیں رکے۔
