امریکی کانگریس میں قرارداد اور قانونی سازی کا معاملہ، بیرسٹر گوہر کے بیان نے ہلچل مچا دی
امریکی کانگریس میں قرارداد اور قانون سازی کا پی ٹی آئی سے کوئی تعلق نہیں،کسی امریکی وفد سے پی ٹی آئی کا کوئی رابطہ نہیں: چیئرمین پی ٹی آئی بیرسٹر گوہر
اسلام آباد(کھوج نیوز) امریکی کانگریس میں قرارداد اور قانونی سازی کے معاملے پر پاکستان تحریک انصاف کے چیئرمین بیرسٹر گوہر کے بیان نے پورے پاکستان میں ہلچل مچا کر رکھ دی ہے۔
تفصیلات کے مطابق پاکستان تحریک انصاف کے چیئرمین بیرسٹر گوہر علی خان کا کہناتھاکہ امریکی کانگریس میں بے شمار قراردادیں اور قانون سازی ہوتی ہے۔ انہوں نے کہاکہ امریکی کانگریس میں قانون سازی کا پی ٹی آئی سے کوئی تعلق نہیں، کسی امریکی وفد کی پاکستان آمد کے موقع پر پی ٹی آئی کے ساتھ کسی کا کوئی رابطہ نہیں۔ اسٹیبلشمنٹ سے رابطوں سے متعلق سوال پر کہا کہ اسٹیبلشمنٹ کے ساتھ رابطوں سیاتنا ہی باخبر ہوں جتنا آپ لوگ باخبر ہیں۔
بیرسٹر گوہر کا کہنا تھاکہ نفرت نہیں بلکہ ہم بھائی ہیں آپس میں یہ اختلاف ہوتا رہتا ہے، ہم جمہوری پارٹی ہیں کسی کو بولنے سے منع نہیں کرتے، واضح کیا ہے کہ اگر بات کرنی ہے تو پارٹی کے اندر بات کریں۔ ان کا کہنا تھاکہ تحریک انصاف آئندہ کا لائحہ عمل الائنس کے ساتھ طے کرے گی، مولانا فضل الرحمان نے مجلس عاملہ کے بعد 15 اپریل کو فیصلے سے آگاہ کرنے کا کہا ہے، اپوزیشن جماعتوں کے ساتھ الائنس بنائیں گے، آئندہ کا لائحہ عمل مشترکہ طے کریں گے اور مشترکہ اپوزیشن کے ساتھ مل کر ٹی او آرز طے کیے جائیں گے۔
