پاکستان
دبئی جانے والے افراد کے لیے خوشخبری ،متحدہ عرب امارات کے سفیر کا بڑا اعلان
متحدہ عرب امارات کے سفیر حمادعبید کا کہنا ہے کہ ویزے کے مسائل حل ہوگئے ہیں، یو اے ای کا 5 سال کاویزہ لے سکتے ہیں
کراچی(کھوج نیوز)متحدہ عرب امارات کے سفیر نے گورنرہاؤس میں گورنرسندھ کامران خان ٹیسوری سے ملاقات کی ۔ ملاقات میں متحدہ عرب امارات کے قونصل جنرل بخیت عتیق الرومیتی بھی موجودتھے۔ یو اے ای سفیر نے گورنرسندھ کو کراچی میں قائم ویزہ سینٹر آنے کی دعوت بھی دی، حماد عبید نے کہا گورنر اینیشیٹیو کے تحت جاری منصوبے لائق تحسین ہیں۔
گورنر سندھ نے کراچی میں سرمایہ کاری کرنے پر متحدہ عرب امارات کے سفیر حماد عبید الزہبی کا شکریہ ادا کیا۔ یو اے ای سفیر نے گورنر ہاؤس میں شجرکاری مہم کے تحت پودا لگایا اور پرچم کشائی بھی کی۔
