وزیر اعلی پنجاب مریم نواز کی کاشتکاروں کے لیے اہم اسیکم کی منظوری

لاہور(کھوج نیوز)وزیراعلی پنجاب مریم نواز شریف کی زیر صدارت خصوصی اجلاس ہوا جس میں زرعی ٹیوب ویل کی سولرائزیشن کی اسکیم، ویٹ سپورٹ پروگرام کے نفاذ کے لیے تجاویز اور زرعی زمین مالکان کے ساتھ ٹھیکیدار کو بھی شامل کرنے کا جائزہ لیا گیا۔

مریم نواز شریف کا کہنا تھا کہ کاشتکاروں کو اگلی فصل کے لیے بھی اربوں روپے سبسڈی دی جائے گی۔ کسان کارڈ نہ رکھنے والے کاشتکاروں کو بھی فی ایکڑ 5 ہزار سبسڈی دی جائے گی۔کاشتکاروں نے 36 ارب زرعی مداخل کے لیے استعمال کر لیے جبکہ کسان کارڈ سے زرعی مداخل کے لیے جاری قرض کی 60 فیصد واپسی مکمل ہوگئی۔

کاشتکاروں نے کسان کارڈ کے ذریعے لیے گئے 22 ارب کے قرض واپس کر دیے، کاشتکاروں کو کسان کارڈ کے زریعے نئی فصل کے لیے دوسری قسط کا اجرا کیا جائے گا،ویٹ سپورٹ پروگرام کے لیے موصولہ 50 فیصد درخواستوں کی تصدیق کر لی گئی ہے۔