ایئر چیف مارشل ظہیر احمد بابر کو بھی اہم ترین فیصلہ سنا دیا گیا

اسلام آباد(کھوج نیوز) ایئر چیف مارشل ظہیر احمد بابر کو بھی اہم ترین فیصلہ سنا دیا گیا ۔ واضح رہے کہ وفاقی کابینہ نے آپریشن بنیان مرصوص کی کامیابی کے بعد آج کئی اہم فیصلے کیے ہیں۔

اسلام آباد: وفاقی کابینہ نے آپریشن بنیان مرصوص میں دشمن کو شکست فاش دینے میں اہم کردار ادا کرنے پر ائیر چیف مارشل ظہیر احمد بابر سدھو کی مدت ملازمت پوری ہونے پر ان کی خدمات کو جاری رکھنے کا فیصلہ کیا ہے۔ اعلامیے کے مطابق وفاقی کابینہ نے جنرل سید عاصم منیر (نشان امتیاز ملٹری) کو فیلڈ مارشل کے عہدے پر ترقی دینے کی منظوری دے دی۔آپریشن بنیان مرصوص کی اعلی حکمتِ عملی اور دشمن کو شکست فاش دینے پر جنرل عاصم منیر کو فیلڈ مارشل کے عہدے پر ترقی دی گئی۔ ائیر چیف مارشل ظہیر احمد بابر سدھو کی مدت ملازمت پوری ہونے پر ان کی خدمات جاری رکھنے کا بھی متفقہ فیصلہ کیا گیا۔